8 Julie 2024
Die leier van die sogenaamde Kenia Oordeelsdagsekte se verhoor het vanoggend in Mombasa begin.
Die selfverklaarde pastoor, Paul Nthenge Mackenzie staar aanklagte van terreur in die gesig na die dood van meer as 400 van sy volgelinge. Hy is in April in hegtenis geneem nadat hy glo sy volgelinge aangemoedig het om hulleself uit te honger sodat hulle “die Here kan ontmoet.”
Mackenzie en sy 94 medepligtigdes het vroeër onskuldig gepleit op alle aanklagte teen hulle. Hulle word ook aangekla van moord, strafbare manslag, ontvoering en die marteling van kinders.
Nadoodse ondersoeke het getoon dat die meeste mense dood is nadat hulle hulself uitgehonger het, maar van die slagoffers, veral kinders is verwurg, aangerand of versmoor. Sommige van die liggame se organe was verwyder.
