22 Februarie 2024
Die Suid-Afrikaanse Weerdiens sê hittegolftoestande sal tot minstens Saterdag in Noordwes, die Vrystaat en die Noord-Kaap voortduur.
Groter dele van Suid-Afrika het die afgelope paar weke uitermatige hitte ervaar, met maksimum temperature wat op plekke in die Noord- en Wes-Kaap gereeld bo veertig-grade Celcius gestyg het.
Die weerdiens sê hoewel sommige plekke nie aan die tegniese definisie van ‘n hittegolf voldoen nie, word daar ook verwag dat hulle uiterste hitte sal ervaar.
Dié toestande vererger die hewgheid van donderstorms in die sentrale en oostelike dele van die land en dra by tot oormatige weerlig, hael, sterk skadelike winde en swaar reënbuie.
