9 September 2024
Die Land Bank – wat vier jaar gelede versuim het om sy R40-miljard skuld aan krediteure te delg – het ná jare-lange onderhandelinge ’n ooreenkoms met leners aangegaan.
Die transaksie sal daartoe lei dat alle leners hul bestaande skuldnotas verruil vir nuwe skuldbriewe wat in Maart 2028 verval.
Dit sal ook ‘n R5-miljard inspuiting vir die bank beteken nadat dié geld – wat al die afgelope twee jaar deur die bank as borg gehou is – nou vrygestel gaan word.
Die Land Bank se wanbetaling was die eerste en enigste wanbetaling deur ‘n staatsbeheerde entiteit en het die tesourie onkant gevang.
Sedertdien het verskeie staatsbeheerde entiteite wanbetaling vermy deur toegang tot bykomende finansiële ondersteuning en waarborge van die Tesourie te verkry.
