25 Januarie 2024
‘n Graad 7-leerling aan die Laerskool Queenswood in Pretoria is dood nadat sy na bewering verdrink het tydens ‘n skooluitstappie.
Die LUR vir onderwys in Gauteng, Matome Chiloane sê volgens voorlopige inligting het die skool toestemming gekry om die afgelope Saterdag, 20 Januarie ‘n uitstappie te onderneem na die Wag ‘n Bietjie-oord in Witkoppen, Olifantafontein.
Volgens Chiloane het die meisie na alle waarskynlikheid verdrink, en word die voorval tans deur die polisie ondersoek. Hy sê hy het ook versoek dat die saak onafhanklik ondersoek word.
Die LUR het sy medelye met die skool en die kind se familie betuig.
Foto: Jacaranda FM
