4 Januarie 2022
Die Suid-Afrikaanse Mediese Vereniging, SAMA het ‘n beroep op die regering gedoen om algemene praktisyns toe te laat om Covid-19-entstowwe toe te dien.
Dr. Angelique Coetzee, voorsitter van SAMA, sê dit sal die land se inentingsveldtog aansienlik vergemaklik en help om die toediening daarvan te versnel.
Onder die huidige stelsel kan Suid-Afrikaners slegs Covid-19-entstof by ‘n aangewese openbare of private-inentingsperseel ontvang.
Coetzee sê hoewel massa-inentings ‘n belangrike hulpmiddel aan die begin van die land se inentingsveldtog was, is dit nou nodig om dokters toe te laat om pasiënte in te ent.
Sy het bygevoeg dat alle dokters opgelei is om entstowwe behoorlik toe te dien en dat dit die stelsel is wat deur ander lande gebruik word.
Die regering moet dit ook makliker maak vir dokters om entstowwe te koop – aangesien die enigste opsie tans is om dit in grootmaat aan te skaf – wat buitensporig duur is
