7 Maart 2024
Vyf verpleegsters van die Steve Biko Akademiese-Hospitaal is geskors ná bewerings van growwe nalatigheid.
Volgens die Gautengse gesondheidsdepartement volg hul skorsing op ‘n voorval by die hospitaal waarby ‘n 28-jarige man betrokke was, wat op 25 Februarie deur ‘n lid van die publiek by die ongevalle eenheid op video vasgevang is.
In die video word gewys hoe ‘n pasiënt op die vloer sit waar hy deur twee mense vasgehou terwyl iemand personeel vra om die pasiënt te help.
Volgens die departement is die pasiënt later dood en gaan die hospitaal se bestuur voort om die slagoffer se familie te betrek by die ondersoek na die voorval.
