21 November 2022
Die Springbokke het die afgelope naweek se toetswedstryd teen Italië gewen, maar ‘n ander gedeelte van die wedstryd het byna meer aandag getrek.
Voor die afskop van die wedstryd het die wenkbroue gelig weens die “stadige” manier waarop die landslied, Nkosi sikelel’ Afrika deur die sangeres, Nicole Magolie opgevoer is.
Magolie het die volkslied woord vir woord reggekry en ook by die noot gehou, maar het heelwat langer geduur as waaraan die meeste Suid-Afrikaners gewoond is. Magolie het op haar Facebook-blad geskryf dat dit vir haar ‘n groot eer was om die lied te sing, maar meen sy het die agtergrond begeleiding stadig gevind en moes daarby aanpas.
Die Springbokke het met 63 punte teenoor Italië se 21 gewen en kon daarin slaag om nege drieë aan te teken. Suid-Afrikaners het oudergewoonte hulself tot sosiale media gewend om draak te steek oor die gebeure.
