17 Oktober 2022
Die pa van die kleuter, Bokgabo Poo (4) het in die hof op haar vermeende moordenaar toegesak terwyl hy in die beskuldigdebank was.
Hofverrigtinge vir die dag was byna afgehandel – met ‘n voorstel dat die saak tot 24 Oktober uitgestel moet word – toe Poo se pa opgespring en die verdagte te lyf gegaan het.
Die polisie moes ingryp en die hof is ontruim voordat die saak uitgestel kon word.
Die 30-jarige Ntokozo Zikhali word aangekla van die ontvoering, verkragting en die moord op die kind.
Poo se verminkte liggaam is verlede week in Tamboville – aan die Oos-Rand gevind – waarna Zikhali aangekeer is.
Hy was die laaste persoon wat saam met die slagoffer gesien is.
Video: EWN.
