26 November 2021
Die sanger, Theuns Jordaan se gedenkdiens is vanoggend by die NG Moreleta Park-gemeente in Pretoria gehou.
Weens die Covid-19-regulasies kon slegs 100 mense die diens bywoon, maar is wel regstreeks op die sanger se Facebook-blad uitgesaai. Jordaan het verlede week in die ouderdom van 50 sy stryd teen leukemie verloor.
Jordaan se vriend van 22 jaar Werner van Dalen het hom beskryf as ‘n nederige persoon, wat selfs as bekende sanger ook sy eie luidspreker sou dra.
Die sanger Bobby van Jaarsveld het ‘n roerende huldeblyk gelewer en Jordaan bedank vir al die lesse wat hy by hom kon leer. Hy sê hoewel ‘n reuse boom geval het is sy landerye nog vol.
Sy musiekvriende, Ricus Nel, Steve Hofmeyr, Dozi, Bobby van Jaarsveld, Kurt Darren en Bok van Blerk het sy kis ingedra.
Stem vir die Aitsa’s
