5 Februarie 2022
Nooddienste doen ‘n ernstige beroep op motoriste om die padreëls te gehoorsaam te midde van ‘n nat naweek wat vir Gauteng en omliggende gebiede voorspel is.
Die Suid-Afrikaanse Weerdiens het ‘n waarskuwing uitgereik vir erge donderstorms en swaar reënval wat plek-plek tot oorstromings en kitsvloede kan lei.
Die woordvoerder van die Tshwane-metro se nooddienste, Charles Mabaso sê sommige brûe in Pretoria het oorspoel en het ‘n ernstige beroep op mense gedoen om dit nié te probeer oorsteek nie.
In Centurion is daar veral talle paaie en brûe wat liefs vermy moet word. Volgens Mabasa word dele in en om Mamelodi ook erg geraak.
In Johannesburg het reën ook verwoesting gesaai. Kyk hieronder na die videos.
