29 Mei 2023
Die Suid-Afrikaanse danser, Musa Motha (27) het geskiedenis gemaak op die talentkompetisie, Britain’s Got Talent nadat hy die eerste persoon geword het waarvoor al vier beoordeelaars die goue gonser gedruk het.
Die gonser beteken dat Motha al die uitdunrondtes misloop, en dat hy dadelik na die semi-finale toe deurgesit word.
Motha het onlangs Londen toe geëmigreer waar hy aan die vier beoordeelaars vertel het dat hy as kind met kanker gediagnoseer is, wat daartoe gelei het dat sy been geamputeer moes word. “Ek was ‘n sokkerspeler, maar na my amputasie het ek ‘n liefde vir musiek en dans ontdek.”
Hy het die gehoor en die beoordeelaars op hulle voete gehad. “Ek hoop om mense te inspireer.”
