16 Maart 2022
Inwoners van Equestria, die Wilgers en omliggende gebiede was teen 11:00 vanoggend stééds in die donker nadat die krag Maandagmiddag (14 Maart) omstreeks 17:00 afgegaan het.
Wyk 85 se raadslid, Jacqui Uys sê werkers van die Tshwane-metro het tot 05:00 vanoogend by die substasies gewerk en is toe huis toe om so paar ure te gaan slaap.
“Die werkers is omstreeks 08:00 na die Waltloo-depot om die nodige toerusting te kry sodat krag aangeskakel kan word, maar is toe deur stakende werkers toegesluit en verhoed om hul werk af te handel.”
Volgens die Tshwane-metro se woordvoerder, Selby Bokaba het die staking in streek vier van die stad begin (Selborne, Clifton, Basben en Rabie-strate), maar het nou oorgespoel na Waltloo.
Sy sê sy het ook reeds met die burgemeester, Randall Williams vergader om ‘n oplossing te probeer vind. Volgens Uys is die werk in groot dele voltooi, maar die aanskakelingsproses kan nie voortduur nie.
Die werkers staak te midde van loon-onderhandelinge.
