5 Julie 2022
Daar was ‘n kort ruk gelede ‘n spannende oomblik tussen die minister van polisie, Bheki Cele en Ian Cameron, die woordvoerder van die burgerregte-organisasie, Action Society.
Cameron het vanoggend ‘n vergadering oor polisiëring in Nyanga en Gugulethu bygewoon. Hy het vroeër gesê dat geweld ‘n reuse probleem in die gebied is en dat dit nie dieselfde aandag geniet as in ander provinsies nie.
Cele het egter uiters negatief gereageer toe Cameron oor menseregte gepraat het. Cele het daarna op Cameron gegil en geëis dat hy die vertrek moet verlaat.
Hy is toe deur polisiebeamptes uit die vertrek vergesel.
