27 Maart 2023
Videos en foto’s doen tans die rondte op sosiale media nadat ‘n groep tieners, wat hulleself Luh Twizzy noem die afgelope naweek die Mall of Africa-inkopiesentrum in Johannesburg bestorm het, en chaos veroorsaak het.
Die groep tieners was in swart geklee en het glo deelgeneem aan die Luh Twizzy-uitdaging. Die uitdaging, wat op TikTok verskyn behels dat ‘n groep mense ‘n inkopiesentrum betree en dan chaos veroorsaak.
Volgens sosiale media-inskrywings het ‘n bakleiery ook tussen van die jongmense bestaan. Dieselfde groep, en uitdaging het ook in Junie verlede jaar in Monte Casino plaasgevind. Die idee is om dan videos van die chaos op die sosiale media-platform, TikTok te laai.
Mall of Africa sê die insident word ondersoek.
