27 September 2022
Die Hoërskool Rustenburg se skoolkoor het wéér ‘n musiekvideo vrygestel waarin hulle ‘n trefferlied opvoer.
Dié keer is dit hulle weergawe van Mike and the Mechanics se In the living years. Dit is die einste koor wat in 2019 die Queen-treffer, Bohemian Rhapsody en in 2020 Coldplay se Fix You opgetree het. Hulle video van Bohemian Rhapsody is meer as 500 000 keer gekyk en kon die jong Bernice West, nog as skoolleerling gesien word.
Oor hulle nuutste toevoeging het die skool op sy Facebook-blad geskryf dat hierdie liedjie jou in hierdie onseker tye moet herinner om liefde en vrede na te jaag en nie te skroom om te sê dat jy jou naastes liefhet nie.
