19 Augustus 2024
As jy al ooit grotte besoek het, is die kans goed dat jou toergids in ‘n stadium die akoestiek van die grotmure getoets het deur hard te praat of te gil.
Maar, een toergids by die Cango Grotte in Oudtshoorn doen dinge ‘n bietjie anders. Verskeie videos van Leigh-Ann Coetzee wat in haar sopraanstem begin sing is al op verskillende sosiale media-platforms gedeel.
Een van die eerste videos van haar is in 2022 opgelaai, maar ‘n onlangse plasing op TikTok is wyd versprei en al duisende kere gekyk. In van die kommentare reken sosiale media-gebruikers dat sy, volgens hulle, ‘n toekoms in opera het.
