24 Februarie 2022
Russiese troepe is besig om Oekraïne nou ook van die noordelike grens met Wit-Rusland (Belarus) in te val.
Volgens beeldmateriaal het oorlogtenks en troepe Oekraïne se grens met Belarus oorgesteek.
Die regering in Oekraïne het dit bevestig en sê hy is ook aangeval vanuit die Krim streek.
Die land se grensdiens sê patrollies op die grens word tans geteiken, en dat hulle besig is om teenaanvalle te loots.
Die jongste gebeure is in teenstand met wat die Russiese president Vladimir Putin vroeër gesê het, dat daar slegs ‘n militere operasie in die Donbas streek in die ooste van Oekraïne uitgevoer word.
Wêreldmarkte het intussen almal negatief gereageer op die nuus van die “oorlog” in Oekraïne. Die prys van brent ru-olie het bo die $100 per vat geskiet, die hoogste wat die prys was sedert 2014.
Moskou het sy aandelemark gesluit tot verdere kennisgewing.
