15 Maart 2022
Die Tshwane-metro sê hy is verheug om vyf nuwe jagluiperd-welpies by die Rietvlei Natuurreservaat te verwelkom.
Die burgemeester, Randall Williams sê die welpies is sowat ses weke oud en is die afgelope naweek vir die eerste keer gesien. Hy sê die ma se naam is Njozi, wat drome in Swahili beteken. Sy is sedert 2002 in die Rietvlei Natuurreservaat en word daar aangehou vir teeldoeleindes.
Hy het ‘n beroep op besoekers gedoen om die ma en haar welpies se spasie te respekteer.
“Wanneer Njozi en haar welpies gesien word, raai ons besoekers aan om tussen 20- en 30 meter van hulle af te wees en skakel u motor af sodat daar geen harde geluide is nie,” sê Williams.
