4 Januarie 2022
Suid-Afrikaners sal glo binnekort weet wat in die Zondo-kommissie van ondersoek na staatskaping se verslag staan.
President Cyril Ramaphosa het vanmiddag die eerste deel van die verslag ontvang en het onder meer beloof om die verslag dadelik bekend te maak, hoewel hy dit self eers gaan bestudeer voordat hy reageer.
Die eerste deel van die verslag fokus op beweerde korrupsie by staatsbeheerde maatskappye soos die Suid-Afrikaanse Lugdiens (SAL), SAL Tegnies, SA Express asook by die spoorweg fasiliteit Transnet.
Die beweerde wangedrag van die SAL se raadslede, veral die van die voormalige voorsitter Dudu Myeni en voormalige ministers sal na verwagting onthul word.
Dié gedeelte sal ook die optrede van private sakelui en kontrakteurs wat vir die redery gewerk het onthul.
