13 Oktober 2023
Die Gautengse polisiekommissaris, luitenant-generaal Elias Mawela, sê inwoners van Edenpark – wat glo polisiebeamptes aangeval het – moet in hegtenis geneem word.
Die beamptes was op patrollie toe inwoners hulle getart en op hulle toegesak het.
Volgens die polisiewoordvoerder, brigadier Brenda Muridili, was die beamptes genoodsaak om waarskuwingskote te skiet.
’n Video van die voorval wys hoe woedende mense ’n beampte rondruk terwyl ‘n groep teen die voorruit van ‘n polisievoertuig hamer.
’n Tweede beampte – wat uit die voertuig klim voordat hy ook rondgeruk word – skiet later ‘n paar waarskuwingskote.
Volgens die inwoners was die beampte onder die invloed van drank of dagga.
