10 Desember 2021
Die polisie is nog opsoek na ‘n groep verdagtes nadat ‘n polisiebeampte, wat nié aan diens was nie, gisteroggend in Sandton doodgeskiet is.
Sersant David Tsedu het in Katherine straat in Sandown gery toe hy deur ‘n groep verdagtes voorgekeer is. Die polisiewoordvoerder, kolonel Athlenda Mathe sê Tsedu is van sy dienspistool en ander persoonlike besittings beroof voordat hulle in ‘n wegkom-voertuig gevlug het.
Tsedu, wat in die proses geskiet is, is op pad na ‘n nabye hospitaal dood verklaar.
