8 Februarie 2024
Die EFF is op hete kole om te hoor of ses van sy parlementslede – met inbegrip van die leier, Julius Malema, en Floyd Shivambu – vanaand se staatsrede sal kan bywoon.
President Cyril Ramaphosa sal vanaand sy sewende staatsrede in Kaapstad lewer.
Die Kaapse hooggeregshof het Dinsdag opnuut argumente aangehoor oor waarom dié ses – wat deur die parlement geskors is omdat hulle verlede jaar die staatsrede ontwrig het – se skorsing opgehef moet word.
LEES OOK: “OORBLYWENDE EFF-LEDE SAL RAMAPHOSA BY STAATSREDE AANSPREEKLIK HOU”
Malema beweer dat die parlement nie die EFF-lede daar wil hê nie, omdat hulle bang is vir die EFF. Hy het tydens ‘n saamtrek aan sy ondersteuners gesê dat die EFF ‘n bedreiging inhou omdat die party veg vir dit “wat reg is, asook gelykheid.”
Hy het verder gesê dat parlementslede, in sy eie woorde, “nie vanaand langs ape wil sit nie, en haat die EFF.”
