29 Mei 2023
Die organisasie Gift of the Givers het bewys van lewe vir Gerco van Deventer in Mali ontvang.
Van Deventer is in 2017 in Libië ontvoer kort nadat hy daar aangekom het om as paramedikus te werk. Hy is later na Mali geneem.
Die stigter van Gift of the Givers, dr. Imtiaaz Sooliman het bevestig dat die organisasie ‘n video ontvang het waarin Van Deventer vir sy vryheid pleit. Die video is op 26 Mei 2023 geneem. Hy vra vir hulp om vrygelaat te word en sê hy is ook nie ingelig oor hoe dit met sy familie gaan nie.
Hy sê hulle onderhandelaar, Mohamed Yehia Dicko is gesprek met Van Deventer se ontvoerders om hulle te oorreed om hom vry te laat.
