16 Mei 2022
Ongelukkigheid heers by die Universiteit Stellenbosch (US) nadat ‘n wit student na bewering oor die naweek op die lessenaar van een van sy swart koshuismaats geurineer het.
‘n Video van hierdie voorval, wat by die koshuis Huis Marais plaasgevind het, is intussen wyd op sosiale media versprei.
Sedert die verspreiding van die video, het talle studente voor die koshuis en ander areas op kampus betoog om hul ontevredenheid met die voorval te toon.
Die pa van die eerstejaar landboustudent, wat die slagoffer van die voorval was, sê hy glo die voorval is rasgedrewe omdat sy seun se kamermaat wit is, maar die student duidelik gekies het om op sy seun se lessenaar te urineer.
