11 Julie 2023
Die EFF in Pretoria het ‘n strafsaak by die polisie aanhangig gemaak nadat lede van die burgerregtegroep, AfriForum, glo plakkate oor die party se 10e verjaarsdagvieringe in Gezina afgehaal het.
Een van die lede van AfriForum het op sý beurt die lede van die EFF van intimidasie beskuldig en gesê hulle sal op hul beurt dienooreenkomstige klagte by die polisie lê.
Die leier van die EFF in dié streek, Obakeng Ramabodu sê indien AfriForum in gebreke bly om die plakkate aan hulle terug te besorg sal hulle geen ander keuse hê nie as om op Afriforum se voorstoep bymekaar te kom.
AfriForum se woordvoerder, Jacques Broodryk sê hulle dra kennis van die bewerings teen vrywilligers van een van AfriForum se takke en het begin met ‘n ondersoek na die voorval in ‘n poging om ‘n vreedsame oplossing te kry.
Broodryk het terug gekap oor die EFF se dreigemente om buite AfriForum se kantore te betoog en sê in só geval sal AfriForum binne die wet optree om sy eiendom en werknemers te beskerm.
Foto: EFF
