4 Maart 2022
Die president van Oekraïne Vlodomir Zelensky het Rusland daarvan beskuldig dat hy met opset die Zaporizhzhia kernkragsnetrale aangeval het.
‘n Deel van die kernkrag sentrale was vroeër vanoggend in ligte laaie, maar die brand is intussen geblus.
Oekraëne sê daar is geen grootskaalse skade aan die sentrale aangerig nie, en dat bestralingsvlakke nie toegeneem het nie.
Zelensky sê Rusland het geweet hulle skiet op ‘n kernkragsentrale, dat hulle voorberei het vir dit, en dat Rusland se optrede nou ‘n gevaar inhou vir die hele Europa.
Hy het ‘n beroep op wêreldleiers gedoen om dringend op te tree teen Rusland, voor die oorlog in ‘n kernramp ontaard.
