30 Mei 2022
‘n Man, wat as ‘n bejaarde vrou in ‘n rolstoel vermom is, het die afgelope naweek die bekende Mona Lisa-skildery in die Louvre Museum in Parys, Frankryk met ‘n sny koek gegooi.
‘n Video van die voorval is wyd op sosiale media versprei. Volgens owerhede is die skildery egter nie beskadig nie weens die koeëlvaste glas, wat die skildery deur Leonardo da Vinci beskerm.
Omstanders sê die man het eers probeer om die glas te breek, maar toe hy nie daarin kon slaag nie het hy die koek oor die glas gesmeer.
Die man is deur die veiligheidswagte vasgetrek, waarna hy geskree het dat “mense aan die aarde moet dink, omdat daar mense is wat besig is om die aarde te verniet, daarom het hy die skildery geteiken.”
