22 April 2022
Aardrykskunde is nié almal se sterkste vakgebied nie.
Die internasionale nuusdiens, BBC World News het sosiale media-verbruikers woedend gemaak, maar ook lekker laat lag toe hulle tydens ‘n verslag oor die vloede in KwaZulu-Natal, Suid-Afrika verkeerdelik op die wêreldkaart aangedui het.
Die nuusleser het tydens die uitsending met ‘n joernalis in KwaZulu-Natal gesels, waarna die kaart op die skerm vertoon het. Hulle het egter Suid-Afrika as die Demokratiese Republiek die Kongo (DRK) aangedui.
‘n Skermgreep van die uitsending is wyd op sosiale media versprei.
