1 Augustus 2022
Die Ekurhuleni metropolisie het ‘n dringende beroep op mense gedoen om die paaie in die omgewing van Tembisa te vermy weens onluste wat vanoggend in die gebied ontstaan het.
Inwoners het die paaie met klippe en brandende bande versper en eis dat die Johannesburgse burgemeester, Mpho Phalatse hulle moet kom toespreek.
Die woordvoerder van die metropolisie, luitenant-kolonel Kelebogile Thepa sê talle verbygaande motors is met klippe bestook. Hy meen op hierdie stadium is dit ‘n verbode gebied met brande wat vanaf alle kante gestig word.
