31 Augustus 2023
Die dodetal in die brand in ‘n gebou in die middestad van Johannesburg het teen 08:30 na 63 gestyg.
Die Johannesburgse nooddienste se woordvoerder, Robert Mulaudzi het die dodetal bevestig. Die brand het vanoggend in die gebou uitgebreek.
Mulaudzi sê die gebou is onwettig beset, en daar was geen elektrisiteit in die gebou nie. Volgens hom is 43 mense beseer.
Die oorsaak van die brand is nog nie bepaal nie.
