23 Mei 2022
‘n Video van ‘n werknemer van die Jamaica Dieretuin in St Elizabeth, wat se vinger deur ‘n leeu afgebyt word, is wyd op sosiale media versprei.
In die video kan gesien word hoe die werknemer sy vinger deur die heining druk en die leeu probeer vryf, waarna die leeu sy vinger gryp en afbyt.
Die Jamaica Dieretuin het in ‘n verklaring bevestig dat die voorval by hulle dieretuin plaasgevind het, maar dat die persoon in die video ‘n kontrakwerknemer is. “Ons wil benadruk dat die sorg en liefde vir die diere in ons dieretuin, steeds ons belangrikste prioriteit is,” benadruk die dieretuin.
“Die gebeure in die video is uiters hartseer omdat dit nie die wyse verteenwoordig waarop ons, ons diere behandel nie.”
Volgens die dieretuin word die video-materiaal tans ondersoek.
