25 Maart 2022
Die omstrede EFF-parlementslid, Nazier Paulsen, moes ‘n amptelike verskoning indien nadat hy – moontlik dagga – gerook het tydens ‘n virtuele parlementsitting.
Die sitting het Woensdag plaasgevind.
Die DA-LP, Joe McGluwa, het dit onder die adjunk-speaker, Lechesa Tsenoli, se aandag gebring dat Paulsen tydens die sitting gerook het en gevra of die toelaatbaar is volgens die parlementêre reëls dat hy “dagga rook.”
Toe Paulsen daaroor aangespreek is het hy dit ontken en gesê die Tsenoli moet sy oë laat toets aangesien hy net ‘n pen vashou.
Eers nadat ‘n video later aanlyn vesrkyn het waar Paulsen sit en rook, het hy erken dat hy aan sy “elektroniese sigaret” geteug het en nie daarvan bewus was dat sy kamera aangeskakel was nie.
