9 Mei 2022
EFF-lede hou vanoggend ‘n optog buite die landdroshof in Nelspruit/ Mbombela waar drie verdagtes vandag verskyn in verband met die moord op die voormalige EFF sekretaris-generaal, Godrich Gardee se dogter, Hillary.
Hillary se liggaam is verlede week buite Nelspruit gevind nadat sy vier dae van te vore as vermis aangemeld is.
LEES OOK: LIGGAAM VAN VOORMALIGE EFF-HOË SE DOGTER GEVIND
Een van die verdagtes is na bewering ‘n voormalige studenteleier van die Universiteit van die Witwatersrand en tans ‘n werknemer vir Mpumalanga se provinsiale wetgewer.
Die EFF sê op sy Twitter-rekening dat sy lede vandag buite die hof is om misdadigers van die land se strate te verwyder. Die party meen dit is uiters belangrik dat vroue en kinders weer in vrede kan lewe sonder om daagliks te vrees vir hulle lewens.
Die party sê om ‘n vrou in Suid-Afrika te wees, moet nie ‘n doodsvonnis wees nie.
