28 Maart 2022
Sosiale Media-gebruikers gons vanoggend oor die Amerikaanse akteur, Will Smith nadat hy die komediant, Chris Rock tydens die Oscar toekenningsgeleentheid ‘n klap gegee het.
Rock, wat die geleentheid aangebied het, het grappies oor Smith se vrou, Jada Pinkett Smith gemaak. Sy het haarverlies en Rock het daarmee die spot gedryf. “Jada, ek is lief vir jou. G.I. Jane 2 kan nie wag om dit te sien nie.”
In hierdie rolprent van 1997 is die aktrise, Demi Moore se hare afgeskeer. Smith het opgestaan en Rock deur die gesig geslaan en hom gewaarsku om “sy mond van sy vrou af te hou.”
Smith het ‘n toekenning as die beste akteur vir King Richard gewen en het tydens sy aanvaardingstoespraak om verskoning gevra.
