19 Oktober 2022
Die Suid-Afrikaanse Weerdiens het inwoners van Gauteng gewaarsku dat donderstorms vanmiddag oor dele van die provinsie verwag word.
Donderstorms het Dinsdag chaos aan die Oos-Rand en die suidelike dele van Johannesburg veroorsaak.
In Alberton het voertuie vasgeval nadat hael enkeldiep in die strate gelê het.
Ten spyte van die skade wat aangerig is hou die weerdiens vol dat dit gewone donderbuie was en dat dit nie vir hom nodig was om ‘n waarskuwing uit te stuur nie.
Intussen is twee waarkuwings vir onderskeidelik KwaZulu-Natal en Mpumalanga uitgereik vir swaar weer vandag.
