25 Januarie 2024
Die balju het gistermiddag op 11 voertuie, ’n mobiele toilet en meubels van die Masilonyana-munisipaliteit in die Vrystaat beslag gelê.
Dít nadat die munisipaliteit sukkel om finansieel kop bo water te hou, terwyl ondersoeke deur – onder meer – die Valke aan die gang is.
Volgens die Vryheidsfront Plus se raadslid in Masilonyana, Willem Potgieter, is die beslaglegging op die voertuie in Theunissen gedoen, maar sou voertuie in Brandfort ook geneem word.
Volgens Potgieter gebruik die munisipaliteit op die oomblik sy gelykeberegtigingstoelaag om salarisse en dringende skuld te betaal.
Potgieter het bygevoeg dat sake in die munisipaliteit haglik is.
