10 November 2022
Sewe mense is dood na ‘n botsing vanoggend (10 November) tussen ‘n bus en ‘n vragmotor op die N8 tussen Bloemfontein en Thaba Nchu.
Die bestuurders van beide die bus en die vragmotor én nog vyf passasiers van die bus is dood.
Meer as 50 mense is in die ongeluk beseer, waarvan drie in ‘n kritieke toestand is en tans mediese behandeling in ‘n nabygeleë hospitaal kry. Die polisiewoordvoerder, Hillary Mophethe sê die ongeluk het gebeur toe die vragmotorbestuurder na bewering probeer het om ‘n ander voertuig verby te steek.
Sy sê die bus was van Thaba Nchu na Bloemfontein op pad.
Die pad is ná die ongeluk gesluit.
Foto’s: Twitter en SABC Free State (Facebook)
