28 April 2022
Die Wes Kaapse Hoogeregshof in Kaapstad het ‘n stokkie gesteek voor die departement van bosbou, visserye en omgewingsake se beplande kwotas vir trofeejag.
Die departement het in Februarie vanjaar aangekondig dat 10 luiperds, 10 swart renosters en 150 olifante vanjaar deur trofeejagters gejag kan word.
Die Humane Society International het daarna aansoek gedoen vir ‘n interdik, en die hof het nou voorlopig beslis die kwotas is ongeldig en onwettig.
Volgens die interdik mag geen trofeediere gejag word, totdat die tweede deel van die hofsaak aangehoor is nie.
