1 Oktober 2021
Sowat 2 kilometer op die Kathu-pad net buite Kuruman in die Noord-Kaap vind jy die Billy Duvenhage-natuurreservaat wat destyds as toeristetrekpleister bekend was vir sy wild- en voëlspesies.
Gister het die ANC op ’n raadsvergadering ’n plan voorgelê om dié juweel plat te stoot en in sy plek 4 500 lae- en mediumkostebehuisingseenhede daar op te rig.
Die DA-LP en die party se Noord-Kaapse kiesafdelingshoof vir die Kalahari, Willie Aucamp sê hierdie natuurreservaat was altyd ‘n uitstekende voorbeeld van hoe Kalahari natuurskoon kan lyk. Volgens hom was daar nog tot so onlangs as 10 jaar gelede renosters in dié reservaat te sien.
Volgens Aucamp word dié natuurreservaat reeds ‘n geruime tyd nié deur die ANC-regering onderhou nie. Hy meen egter dat dit nié beteken dat die reservaat nou vir behuising gebruik moet word nie. “Die water, kampe en omheining is reeds daar, dit sal nie moeilik wees om die reservaat reg te ruk nie.”
Volgens hom is daar talle Kalahari Kameeldoringbome en ander bedreigde spesie-plante in die natuurreservaat, wat beteken dit sal die regte ding wees om te doen om dié natuurreservaat weer op te knap.
Stem vir die Aitsa’s
