28 November 2023
Die presidensie het gerugte ontken dat Kunsmatige Intelligensie (KI) sagteware gebruik is om ‘n deel van president Cyril Ramaphosa se toespraak te skryf, wat hy verlede week gelewer het tydens ‘n konferensie oor onderwys.
Die woordvoerder in die presidensie Vincent Magwenya sê die deel van die toespraak wat in twyfel getrek word is deur die departement van basiese onderwys verskaf.
In die deel wat in twyfel getrek word, praat Ramaphosa oor die dekolonisering van onderwys, wat nie net ’n kwessie wat van akademiese belang is nie.
Magwenya sê die gebruik van KI om toesprake of ander materiaal te produseer is onaanvaarbaar en stappe sal gedoen word as dié gerugte waar blyk te wees.
