9 Februarie 2022
Die Tshwane-metro het die vloot van die Suid-Afrikaanse Nasionale Weermag se hoofkwartiere se krag gesny weens skuld aan eiendomsbelasting van R3 197 428,81.
Die metro het reeds gister begin om talle besighede en instellings in Pretoria se krag en water te sny weens skuld wat opgebou het. Luidens inskrywings op die metro se sosiale media, word die krag by die Club Crossing inkopiesentrum in Centurion ook gesny. Hulle skuld die metro R2,4-miljoen aand beide water en elektrisiteit.
Die Ditsong Museum skuld byna R295 000, wat beteken dat hulle krag ook gesny gaan word.
Die metro sê hy sal voortgaan om regeringsdepartemente en ondernemings se dienste af te sny, indien hulle agterstallig is.
