12 Januarie 2023
Die Nasionale Energiereguleerder (Nersa) het Eskom se verhoogde kragtariewe goedgekeur.
Volgens Nersa sal die verhoging van 18,65% op 1 April vanjaar in werking tree. In 2024 sal kragtariewe met 12,74% verhoog.
Eskom het in ‘n verklaring aangekondig dat hy môre sal reageer op die nuus.
Die bestuurshoof van Solidariteit, dr. Dirk Hermann sê die nuwe Eskom kragtariefverhoging, sonder dat die regering ‘n werkbare plan het om die kragkrisis op te los, is onvanpas.
Hy meen verbruikers kan nie meer en meer betaal vir minder en minder krag nie.
“Die enigste rede waarom daar meer en meer gevra kan word vir swakker en swakker diens is omdat Eskom ‘n staatsmonopolie is,” meen Hermann.
