16 Februarie 2022
Die hoof van die Nasionale Vervolgingsgesag (NVG) Shamila Batohi sê korrupsiesake sal oor die volgende ses maande prioriteit geniet.
Batohi het gister die staande komitee oor openbare rekeninge (SKOOR) toegespreek, en het erken dat die pas waarteen korrupsiesake voor die howe gebring word, heeltemal te stadig is.
Sy sê egter die sake wat deur die Spesiale Ondersoek-eenheid (SOE) verwys is vir verdere ondersoek, lê by die Valke, en dat die bottelnek eerder daar lê, as by die NVG.
Die fokus is op Batohi en die NVG ná die openbaarmaking van die SOE se verslag oor Covid-19 verwante korrupsiesake, veral ten opsigte van persoonlike beskermde toeristing, PPE. Hulle moet ook die verslag van die Zondo-kommissie van ondersoek na staatskaping bestudeer.
