1 November 2024
Die korrupsie-aanklagte teen die voormalige minister van sport, kuns en kultuur, Zizi Kodwa, en sy medebeskuldigdes is teruggetrek.
Die besluit om die aanklagte terug te trek volg op vertoë wat deur albei beskuldigdes gemaak is.
Kodwa en Jehan Mackay het vanoggend vlugtig in die handelsmisdaadhof in Palm Ridge verskyn waar die staat die direkteur van openbare vervolging se besluit aangekondig het.
Kodwa is daarvan beskuldig dat hy R1,6-miljoen se omkoopgeld van Mackay – wat ‘n uitvoerende beampte by EOH was – aanvaar het in ruil vir die onbehoorlike beïnvloeding om kontrakte te sluit.
Foto: EWN
