19 Mei 2023
Die staatsbegrafnis van koninging Elizabeth die tweede, asook ander geleenthede in die week ná haar dood het Britse belastingbetalers byna R162-miljoen pond, of sowat R3,9-miljard gekos.
Die Britse regering het dit vir die eerste keer onthul sedert die koninging in September verlede jaar dood is.
CNN berig dat die koste onder meer ‘n groot veiligheidsoperasie vir honderde buitelandse staatshoofde en koninklikes ingesluit het, wat die begrafnis op 19 September bygewoon het.
Streng veiligheidsmaatreëls moes ook toegepas word terwyl lede van die publiek die geleentheid gehad het om die koninging se kis te bekyk terwyl dit in staatsie gelê het.
Die minister van finansies het in ‘n verklaring gesê dat dit vir die regering belangrik was dat die begrafnis vlot verloop, gegewe die hoeveelheid mense wat dit bygewoon het.
Die bekendmaking van die begrafniskostes kom kort na die kroning van Koning Charles die derde. Britse burgers het aangevoer dat die koste waarskynlik baie hoog was, en meen dit is onaanvaarbaar gegewe die feit dat baie Britse landsburgers sukkel om kop bo water te hou.
