17 Oktober 2022
Die regerende koalisie in die Pretoriase-metroraad sê hy neem kennis van die strafsaak wat teen die burgemeesterskomiteelid, Abel Tau, aanhangig gemaak is.
Tau, wat Action SA verteenwoordig, word daarvan beskuldig dat hy die vrou van ‘n munisipale amptenaar verkrag het.
Die koalisie-bestuurskomitee het vanoggend vergader en besluit om die speaker, dr Murunwa Makwarela, te gelas om met ‘n ondersoek na Tau se beweerde optrede te begin.
Die hoofsweep van die raad, Christo van den Heever sal ook met die proses begin om ‘n aansoek te verwerk om Tau met verpligte verlof te stuur.
Volgens die koalisie moet die polisie die geleentheid gegee word om die ondersoek af te handel.
