31 Augustus 2023
Suid-Afrikaanse kliënte van die aanlyn verkoopplatform, Shein, het hulle tot die sosiale media gewend om hulle misnoë te kenne te gee oor invoerbelasting.
Volgens sommige kliënte betaal hulle deesdae aansienlik meer vir produkte weens die Inkomstediens wat hoër tariewe hef.
‘n Woordvoerder van die SA Inkomstediens sê hulle is nie bewus van enige onlangse verhoging in doeanetariewe nie.
Daar was geen kommentaar van die inkomstediens nie op ‘n vraag oor of hy sy ondersoek na Shein-invoere verhoog het – te midde van ‘n Suid-Afrikaanse regeringsondersoek na dié handelaar se nakoming van doeaneregte nie.
Suid-Afrikaanse kliënte van Shein meen hulle het nooit meer as R150 betaal aan doeanetariewe nie, maar dié bedrag draai nou by enigiets tussen R400 en R600.
