7 Februarie 2022
‘n 56-Jarige man verskyn vandag in die landdroshof op Klawer in die Wes-Kaap, na hy in hegtenis geneem is vir die grusame moord op ‘n 13-jarige seun.
Volgens die verklaring wat die man aan sy prokureur gegee het, het hy die 13-jarige seun se liggaam glo op swartsakke geplaas en dit met ’n mes in stukke opgesny.
Daarna het hy glo die swart sakke verbrand en toe van die oorskot ontslae geraak deur dit in die drein af te spoel.
Hy sê ook in die verklaring dat hy alleen vir die seun se dood verantwoordelik is, dat hy weet wat hy gedoen het en dat hy weet hy gaan lank tronk toe.
Hy gaan glo nie om borgtog aansoek doen nie en beken dat hy die kind doodgemaak het
Die tiener, Gerobejin van Wyk het verlede Woensdag verdwyn nadat hy en ’n ander maatjie mango’s uit die man se erf gesteel het.
Volgens van Wyk se maat het die man hulle met sy bakkie agterna gesit, na hy hulle betrap het terwyl hulle besig was om die mangos te pluk.
