24 April 2023
Die 51-jarige Gerhard Ackerman is skuldig bevind aan verkragting en die besit van kinderpornografie.
Regter Ismail Mohamed het vroeër vandag sy uitspraak in die hooggeregshof in Johannesburg gelewer.
Ackerman het tereg gestaan op meer as 740 klagtes vir sý rol in die werwing van kwesbare seuns. Hy het ook pornografie besit.
Sy saak het opspraak verwek nadat hy saam met die voormalige waarnemende regter, Paul Kennedy, aangekeer is vir dié wandade.
Kennedy het kort ná sy in hegtenisneming in Februarie verlede jaar sy eie lewe geneem. Regter Mohamed het tydens die verhoor gesê dat die getuienis hom geskok het.
Die saak is tot 18 Julie uitgestel wanneer Ackerman na verwagting gevonnis sal word.
