23 November 2021
Israel het vandag begin om kinders tussen die ouderdomme van vyf- en 11 jaar-oud teen Covid-19 in te ent.
Die eerste minister van Israel, Naftali Bennett verwys na die teenswoordige styging in gevalle as ‘n sogenaamde “kinder-vlaag” aangesien meer as die helfte van die nuwe gevalle wat nou aangemeld word, pasiënte onder die ouderdom van elf-jaar is.
Slegs een van ‘n paar lande wêreldwyd wat kinders op so vroeë ouderdom inent, probeer Tel Aviv voorkom dat ‘n volgende vlaag van die virus die land in ‘n hoek vasdruk.
Tydens die afgelope somer het Israel ‘n styging in die aantal nuwe gevalle aangeteken – hoofsaaklik weens die Delta- variant wat in dié tydperk in die land posgevat het.
Die Israeli’s was ook een van die eerste lande wat ‘n versterkingsdosis begin toedien het aan burgers wat reeds ten volle ingënt is.
Stem vir die Aitsa’s
